<p>Polşa çempionatının 1-ci turunda Azərbaycan millisinin üzvü Mahir Emrelinin çıxış etdiyi "Legiya" evdə “Visla” (Plok) ilə üz-üzə gəlib.<br/> <br/> SİA xəbər verir ki, qarşılaşma meydan sahiblərinin 1:0 hesablı qələbəsiylə yekunlaşıb.<br/> <br/> Mahir bu görüşün iştirakçısı olmayıb. Səhhətində problem olan futbolçumuzun adı qarşılaşmanın iştirak ərizəsinə də daxil edilməyib.<br/> <br/> Qeyd edık ki, yığmamızın digər oyunçusu Anton Krivotsyud "Visla"da çıxış edir. O, görüşə start heyətdə başlayıb və 90 dəqiqə meydanda olub.</p>
<p>Türkiyə Silahlı Qüvvələrinin (TSQ) Suriyadakı "Fərat qalxanı" əməliyyatı bölgəsində türk hərbçilərin olduğu zirehli hərbi avtomobilə silahlı hücum olub.</p> <p>SİA-nın Türkiyənin Milli Müdafiə Nazirliyinə (MSB) istinadla verdiyi xəbərə görə, terror aktında Türkiyə Ordusunun 2 hərbçisi şəhid olub, daha ikisi yaralanıb.</p> <p>Hələb əyaləti yaxınlığında baş vermiş terror aktının PKK/YPG tərəfindən törədildiyi bildirilib.</p> <p>Bütün xəbərlər Facebook səhifəmizdə</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://yenilik.az/banner.php" allowfullscreen></iframe> </div>
<p>Azərbaycanda sabah WJFMMAF beynəlxalq təşkilatı və Budo Döyüş Növləri Federasiyası tərəfindən keçiriləcək şəhidlərin əziz xatirəsinə həsr olunan peşəkar döyüşlərdə iştirak edəcək idmançıların çəkiölçmə mərasimi baş tutub. SİA-nın verdiyi məlumata görə, müxtəlif çəki kateqoriyaları üzrə fərqli divizionlarda mübarizə aparacaq 30 idmançı tərəzi üzərinə çıxıb.</p> <p>Xüsusi diqqət isə günün döyüşündə qarşılaşacaq idmançıların üzərinə fokuslanıb. Ağır çəkidə mübarizə aparacaq yerli idmançımız, dünya və Avropa çempionu Ümid Məmmədzadə, türkiyəli rəqibi, dəfələrlə peşəkar döyüşlərin qalibi, Gökhan Gülücü ilə üz-üzə gələcək.<br/> <br/> Qeyd edək ki, yerli idmançımız Ümid Məmmədzadə 6 peşəkar döyüş keçirib, məğlubiyyəti yoxdur.</p> <p>Sabah baş tutacaq yarışda 6 ölkədən 8 idmançı iştirak edəcək. Onu da bildirək ki, ümumilikdə 15 peşəkar döyüş keçiriləcək.</p> <p>Ümid Məmmədzadə 6 peşəkar döyüş keçirib. Onlardan 4-ündə vaxtından əvvəl qalib gəlib. (boğucu fəndlə). Qarışıq döyüş növləri üzrə dünya və Avropa çempionu olub. Kikboksinqin WAKO versiyası üzrə Avropa 3-cüsü olub.</p> <p>Gökhan Gülücü isə 100-dən çox amator döyüş keçirib, Mui tai və k-1 dən dünya çempionluqları var.</p> <p><strong>Kəmalə Təyyarqızı</strong></p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763874.jpg"> <img class="img-fluid" alt="" src="https://cdn.azerforum.com/2021/07/24/2763874.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763875.jpg"> <img class="img-fluid" alt="" src="https://cdn.azerforum.com/2021/07/24/2763875.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763877.jpg"> <img class="img-fluid" alt="" src="https://cdn.azerforum.com/2021/07/24/2763877.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763878.jpg"> <img class="img-fluid" alt="" src="https://cdn.azerforum.com/2021/07/24/2763878.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763879.jpg"> <img class="img-fluid" alt="" src="https://cdn.azerforum.com/2021/07/24/2763879.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763880.jpg"> <img class="img-fluid" alt="" src="https://cdn.azerforum.com/2021/07/24/2763880.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763881.jpg"> <img class="img-fluid" alt="" src="https://cdn.azerforum.com/2021/07/24/2763881.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763882.jpg"> <img class="img-fluid" alt="" src="https://cdn.azerforum.com/2021/07/24/2763882.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763883.jpg"> <img class="img-fluid" alt="" src="https://cdn.azerforum.com/2021/07/24/2763883.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/07/24/2763884.jpg"> <img class="img-fluid" alt="" src="https://cdn.azerforum.com/2021/07/24/2763884.jpg"/> </a> </div> </div> </div>
<p>Macarıstanın paytaxtı Budapeştdə keçirilən yeniyetmə güləşçilərin dünya çempionatı sona yaxınlaşır. SİA-nın Azərbaycan Güləş Federasiyasına istinadən verdiyi məlumata görə, altıncı yarış günündə 45, 51, 60, 71 və 92 kq-da çıxış edən yunan-Roma güləşçiləri mübarizəyə qoşulub. Rahim Həsənov debütdə minimal fərqlə qazaxıstanlı idmançıya qalib gəlib. Ancaq 1/4 finalda Gürcüstan təmsilçisi ilə gərgin keçən mübarizədən məğlub ayrılıb.</p> <p>Rəhman Kərimov ilk görüşdə Belarus idmançısına aman verməyib. Lakin növbəti mərhələdə ukraynalı güləşçi keçilməz olub. Rəqib finala yüksəldiyi üçün Kərimov iyulun 25-də təsəlliverici görüşə çıxacaq. Fərid Xəlilov startda macar güləşçiyə uduzub.</p> <p>Ruslan Nurullayev 1/8 finalda ABŞ təmsilçisinə ilk hissədə qalib gəlib. Belarus idmançısını da vaxtından əvvəl üstələyən Nurullayev yarımfinala yüksəlib. Finalın bir addımlığında iranlı rəqibinə məğlub olan Ruslan ümidini bürünc medala bağlayıb.</p> <p>Əli Quliyev ilk mərhələdə özbək həmkarı ilə bacarmayıb.</p> <p>45 kq<br/> Təsnifat: Rahim Həsənov - Yerbol İbrahim (Qazaxıstan) 4:3<br/> 1/4 final: Rahim Həsənov - Anri Xozrevanidze (Gürcüstan) 3:4</p> <p>51 kq<br/> 1/8 final: Rəhman Kərimov - Maksim Razqalavets (Belarus) 10:1<br/> 1/4 final: Rəhman Kərimov - Yuri Tovt (Ukrayna) 4:8</p> <p>Təsəlliverici görüş: Rəhman Kərimov - Vilius Adomaviçyus (Litva)</p> <p>60 kq<br/> 1/8 final: Fərid Xəlilov - David Manik (Macarıstan) 1:6</p> <p>71 kq<br/> 1/8 final: Ruslan Nurullayev - Skot Ştauffenberq (ABŞ) 9:0<br/> 1/4 final: Ruslan Nurullayev - Nikita Miajeynikov (Belarus) 8:0<br/> 1/2 final: Ruslan Nurullayev - Əlirza Murad Abdevali (İran) 2:7<br/> Bürünc medal görüşü: Ruslan Nurullayev - İrfan Mirzoyev (Ukrayna)/Nurel Duişenbekov (Qırğızıstan)/Tornike Mikeladze (Gürcüstan)</p> <p>92 kq<br/> Təsnifat: Əli Quliyev - Javlon Tirkaşiyev (Özbəkistan) 0:8</p> <p><strong>Ziya Hikmətoğlu</strong></p>
<p>Hollandiyada Şəxsi Məlumatların Qorunması Təşkilatı (DPA), sosial media tətbiqetməsi olan "TikTok"un, ölkədəki uşaqların fərdi məlumatlarının qorunması ilə əlaqədar Holland dilində bir açıqlama vermədiyi üçün 750 min avro pul cəzası aldığını açıqlayıb. SİA-nın xarici mətbuata istinadən verdiyi məlumata görə “TikTok”un uşaq istifadəçilərinin məlumatlarını necə topladığı, işləyən və istifadə etdiyi barədə holland dilində kifayət qədər məlumat vermədiyi bildirilib. İngilis dilində paylaşılan fərdi məlumatların istifadəsinə dair mətnin uşaqlar üçün yetərli olmadığını və “TikTok”a 750 min avro inzibati cəza verildiyi ifadə edilib.</p>
<p>Çinin Henan əyalətində leysan yağışlar və daşqınlar nəticəsində ölənlərin sayı 58 nəfərə çatıb. SİA xəbər verir ki, bu barədə əyalət rəhbərliyi etdiyi şərhdə qeyd olunur.</p> <p>Həmçinin beş nəfərin itkin düşdüyü bildirilib. Səlahiyyətlilər 800 mindən çox insanı təhlükəli bölgələrdən təxliyyə ediblər.</p> <p>"16 İyul-24 İyul 16.00 tarixlərində fəlakət bölgəsində uzun müddət davam edən leysan yağışları səbəbiylə 9,3 milyon nəfər zərər çəkib, qurbanların sayı 58 nəfərə çatıb, beş nəfər itkin düşüb, vilayət daxilində 814, 9 min nəfər artıq evakuasiya edilib", deyə əyalət rəhbərliyinin şərhində bildirilir.</p> <p>Qeyd edək ki, hazırda 440 mindən çox insanın təcili yardıma ehtiyacı var.</p> <p>Əyalətin bir çox yerində elektrik və su təchizatı hələ də bərpa edilməyib və bir sıra ərazilərdə rabitə belə yoxdur.<br/> Şiddətli leysan yağışları 17 iyul tarixində Çinin mərkəzi hissəsindəki Henan əyalətini dağıdıb. Ən çox Çjençjou şəhəri zərər çəkib. Şəhərin bəzi meteoroloji stansiyalarında orta gündəlik yağıntının tarixi rekord qeydləri var.</p>
<p>Məlum olduğu kimi, ölkəmizdə bir çox sahələri əhatə edən geniş islahatlar həyata keçirilir. Xüsusilə, 2018-ci ildən etibarən islahatlar daha çevik xarakter alıb. Prezident İlham Əliyevin rəhbərliyi ilə reallaşdırılan sistemli, kompleks xarakterli islahatlar ölkəmizin dinamik inkişafını təmin edib. Azərbaycanın iqtisadi imkanları genişlənib, buna paralel olaraq sosial sahədə inqilabi qərarlar qəbul olunub. Bu qərarlar vətəndaşların həyat standartlarının əsaslı şəkildə yüksəlməsinə imkan verib. Qlobal pandemiyanın tüğyan etdiyi cari ildə də Azərbaycan dövləti sosial dövlət fəlsəfəsinə sadiq qalaraq vətəndaşlarının yanında olub, heç bir sosial proqramı ixtisar etməyib, islahat xarakterli məqsədyönlü tədbirləri ardıcıl şəkildə davam etdirib.</p> <p><strong>Milli Məclisdə struktur islahatları parlamentin şəffaf, çevik və səmərəli fəaliyyətini şərtləndirən əsas amildir</strong></p> <p>Qeyd edək ki, Azərbaycanda siyasi və iqtisadi islahatlar paralel şəkildə aparılır. Bu islahatlar konseptual olmaqla struktural xarakter daşıyır. İslahatlar çərçivəsində siyasi sistemin təkmilləşdirilməsi də diqqət mərkəzində saxlanılır. Ölkəmizdə demokratik təsisatların möhkəmləndirilməsi, siyasi plüralizmin və çoxpartiyalı demokratik siyasi sistemin inkişaf etdirilməsi əsas məqsədlərdən biridir.</p> <p>Azərbaycanda həyata keçirilən siyasi və struktur islahatlarından bəhs edərkən 2020-ci ilin fevral ayında keçirilən parlament seçkilərinin və seçkilərdən sonra Milli Məclisin Aparatında və İşlər İdarəsində aparılan struktur və kadr islahatlarının önəmi də xüsusi vurğulanmalıdır. İlk növbədə, burada məqsəd parlamentin işinin daha müasir əsasda yenidən qurulmasına, iş prosesində şəffaflığın təmin edilməsinə nail olmaqla daha çevik və daha səmərəli fəaliyyətin təşkil edilməsindən ibarət olub.</p> <p>İslahatlar çərçivəsində Milli Məclis Aparatında 13 şöbə əvəzinə 10 şöbə, İşlər İdarəsində isə 9 şöbə əvəzinə 4 şöbə yaradılıb. Parlamentdə yeni bir şöbə - İcra hakimiyyəti orqanları ilə əlaqələr şöbəsi yaradılıb ki, bu şöbənin fəaliyyətinin əsas istiqaməti qanunvericilik hakimiyyəti ilə icra hakimiyyətləri arasında birgə fəaliyyəti və sıx əməkdaşlığı təşkil etməkdir. Kadr islahatları çərçivəsində isə gənc və savadlı kadrlar, o cümlədən Milli Məclisin Aparatında uzun illər fəaliyyət göstərən təcrübəli dövlət qulluqçuları qabaqcıl vəzifələrə irəli çəkiliblər. Bundan əlavə, Vətən müharibəsi qazisinin ailə üzvünə Milli Məclisdə yüksək vəzifə verilib.</p> <p>VI çağırış Milli Məclisin formalaşmasında qeydə alınmış mütərəqqi yeniliklər, ümumilikdə, parlamentə sağlam, demokratik mühit gətirib, parlamentin işində əhəmiyyətli dönüş yaranıb və onun nüfuzu həm ölkə daxilində, həm də beynəlxalq miqyasda kifayət qədər yüksəlib.</p> <p><strong>VI çağırış Azərbaycan parlamenti yeni siyasi konfiqurasiyanı özündə əks etdirir</strong></p> <p>Onu da qeyd edək ki, hazırda ölkəmizdə yeni siyasi konfiqurasiya yaranıb. Siyasi palitrada təmsil olunan siyasi qüvvələr arasında müsbət dialoq mühiti formalaşıb. VI çağırış Milli Məclisdə aparılan islahatlar da siyasi sistemin yeni konfiqurasiyasının meydana çıxmasını şərtləndirib. VI çağırış Milli Məclisin ilk iclasında çıxışı zamanı Azərbaycan Prezidenti cənab İlham Əliyev ölkəmizdə yeni siyasi konfiqurasiyanın yaradılmasının əhəmiyyətini xüsusi vurğulayıb.</p> <p>Ümumiyyətlə, ölkəmizdə Prezident İlham Əliyevin rəhbərliyi ilə həyata keçirilən çoxşaxəli islahatlar kursuna uyğun olaraq Milli Məclisin fəaliyyətinin səmərəliliyinin daha da artırılması, müasir tələblər çərçivəsində həyata keçirilməsi üçün müxtəlif addımlar atılıb, ölkənin yeni siyasi konfiqurasiyasına uyğun olaraq parlamentin və onun komitələrinin rəhbərliklərinə müxalifət partiyalarının təmsilçiləri seçiliblər. Həmçinin parlamentin fəaliyyətində əsas istiqamətlərdən birini təşkil edən qanunvericilik fəaliyyəti daha da təkmilləşdirilib, qanun layihələrinin hazırlanması zamanı daha çox keyfiyyətə diqqət yetirilib. Qanun yaradıcılığı işində deputatlar daha da fəal iştirak edirlər. Belə ki, Milli Məclisin iclaslarında qanun layihələrinin təqdim edilməsinə komitə sədrləri ilə yanaşı, komitələrin sıravi üzvləri, o cümlədən müxalif partiyalardan olan deputatlar da yaxından cəlb olunublar. Eyni zamanda, demokratik mühitin göstəricisi olaraq plenar iclaslar zamanı parlamentdə təmsil olunan müxalifət partiyalarının fəal iştirakçılığı təmin edilib, onların təmsilçiləri Milli Məclisin rəsmi nümayəndə heyətlərinin xarici səfərlərində iştirak edirlər.</p> <p>VI çağırış parlamentdə diqqətçəkən yeni tendensiyalardan biri də qanun layihələri ilə bağlı əhatəli dinləmələrin keçirilməsinə geniş yer verilməsidir. Bu cür dinləmələr qanun layihələri üzərində iş prosesində qarşıya çıxan məsələlərin daha effektiv həllinə və nəticə etibarilə, layihələrin daha yüksək səviyyədə hazırlanmasına kömək göstərir. Xüsusilə, cəmiyyətin ciddi marağında olan önəmli məsələlərlə bağlı geniş dinləmələrin təşkil olunması müvafiq qanunların daha mükəmməl hazırlanmasına, mütərəqqi təkliflərin nəzərə alınmasına şərait yaradır.</p> <p><strong>Millət vəkilləri seçicilərlə sıx təmasdadırlar</strong></p> <p>Azərbaycan Prezidenti İlham Əliyev VI çağırış Milli Məclisin ilk iclasında nitqi zamanı deputatlara tövsiyə etmişdi ki, onlar seçildikləri dairələrdə fəal olsunlar, seçicilərlə daim təmasda olsunlar. Bu tövsiyədən irəli gələrək ötən dövrdə Milli Məclisin deputatları seçildikləri dairələrin problemləri ilə daim maraqlanıb, seçicilərlə işin daha müasir və fəal əsaslarda qurulmasına, fəaliyyətlərində hesabatlılığa xüsusi diqqət yetirib, seçicilərlə sıx təmasda olmağa çalışıblar. Demək olar ki, bütün deputatlar karantin rejiminə əməl etməklə seçicilərlə görüşlər keçirib, müasir texnologiyalardan faydalanaraq onlarla ünsiyyət qurublar. Həmçinin deputat köməkçilərinin işi də yenidən qurulub, seçici müraciətlərinin araşdırılması, seçicilərlə daimi təmasların həyata keçirilməsinə xüsusi diqqət yetirilib.</p> <p>Bir məqam da nəzərə alınmalıdır ki, VI çağırış Milli Məclisin deputatları parlament tribunasından daim seçicilərinin müraciətlərini səsləndirir, onların problemlərinin həlli ilə bağlı əlaqədar qurumlara çağırışlar edirlər. Bu da seçicilərlə işin düzgün əsaslarda qurulmasının göstəricisidir. Milli Məclisə ilk dəfə seçilən deputatlar arasında gənclərin də üstünlük təşkil etdiyini nəzərə alsaq, qeyd edə bilərik ki, bu, ölkəmizdə gənc kadrlara geniş imkanların yaradılması ilə bağlı atılan addımların daha bir uğurlu nəticəsidir.</p> <p><strong>Milli Məclisin qlobal pandemiya dövründə də fəaliyyəti səmərəli olub</strong></p> <p>Məlum olduğu kimi, qlobal pandemiya dövründə bütün dünyada olduğu kimi, ölkəmizdə də obyektiv məhdudlaşdırma, karantin tədbirləri tətbiq edilib. Buna baxmayaraq, sözügedən dövrdə Milli Məclisin ardıcıl və məhsuldar fəaliyyətinin təşkili üçün bir sıra tədbirlər həyata keçirilib. Bu çərçivədə Milli Məclisin fəaliyyətində müasir texnologiyaların tətbiqi genişləndirilib, parlamentin komitə və komissiyalarının iclasları, Milli Məclis Aparatının və İşlər İdarəsinin toplantıları onlayn qaydada keçirilib.</p> <p>Həmçinin plenar iclaslar zamanı deputatların sosial məsafə qaydalarına əməl etməklə iştirakı tam təmin edilib. Bundan başqa, Milli Məclisin inzibati binası mütəmadi dezinfeksiya olunub, virusun yayılmasının qarşısını almağa kömək edəcək digər ehtiyat tədbirləri həyata keçirilib. Eləcə də parlamentin plenar iclaslarını işıqlandıran kütləvi informasiya vasitələri üçün də karantin qaydaları nəzərə alınmaqla lazımi şərait yaradılıb.</p> <p>Digər bir məqam isə pandemiya ilə əlaqdar parlamentin sosial təşəbbüslərə dəstək verməsidir. Belə ki, Milli Məclisin rəhbərliyi, deputatlar, parlament Aparatının və İşlər İdarəsinin əməkdaşları Koronavirusla Mübarizəyə Dəstək Fonduna könüllü ianələr köçürüblər.</p> <p><strong>Azərbaycan parlamenti 44 günlük Vətən müharibəsi dövründə də uğurla fəaliyyət göstərib</strong></p> <p>Xüsusi vurğulanmalıdır ki, ötən il 44 günlük Vətən müharibəsi zamanı bütün cəmiyyətimiz kimi ölkə parlamenti də imkanları səfərbər edərək aktiv fəaliyyət göstərib. Belə ki, bu dövrdə Azərbaycanın parlament diplomatiyasının bütün imkanları tam haqlı olaraq Vətən müharibəsi ilə bağlı gerçəkliklər haqqında dünya ictimaiyyətini məlumatlandırmağa, Ermənistanın hərbi-siyasi rəhbərliyinin törətdiyi təxribatların beynəlxalq auditoriyaya çatdırılmasına səfərbər olundu. Azərbaycan Respublikası Milli Məclisi şanlı Ordumuzun əks-hücum əməliyyatlarına başladığı ilk anlardan etibarən beynəlxalq ictimaiyyəti məlumatlandırmaq, Ermənistanın dinc azərbaycanlı əhaliyə qarşı hərbi təxribatları, şəhər və rayonlarımızı artilleriya və raketlərdən atəşə tutması ilə bağlı həqiqətləri çatdırmaq məqsədilə milli parlamentlərə və beynəlxalq parlament təşkilatlarına müraciətlər ünvanlayıb. Vurğulamaq yerinə düşər ki, parlament rəhbərliyinin və dostluq qruplarının adından 88 ölkənin parlamentinə və 11 beynəlxalq təşkilata 140-dan çox məktub göndərilib.</p> <p>Eyni zamanda, bir sıra ölkələrin parlamentlərinin spikerləri və beynəlxalq təşkilatların rəhbərləri ilə telefon danışıqları aparılıb, bəzi ölkələrin səfirləri ilə görüşlər keçirilib, onlara Ermənistanın təcavüzü və təxribatları haqqında ətraflı məlumat verilib. Milli Məclisin deputatlarının əksəriyyəti müxtəlif xarici ölkələrin media orqanlarında erməni vandalizminin ifşa olunması istiqamətində çıxışlar edib, sosial şəbəkələrdə, eyni zamanda, yerli mediada ciddi fəallıq göstəriblər.</p> <p>Müharibə başa çatdıqdan sonra isə Milli Məclisin 13 noyabr 2020-ci il tarixli iclasında Prezident, Müzəffər Ali Baş Komandan İlham Əliyevə və Azərbaycan xalqına müraciət qəbul olunub. Noyabrın 20-də Azərbaycan Prezidenti cənab İlham Əliyevin xalqa müraciəti ilk dəfə olaraq Milli Məclisin iclas zalında canlı yayımlanıb.</p> <p><strong>Fəaliyyətində şəffaflığa böyük önəm verən Milli Məclisin ictimaiyyətlə əlaqələri yüksək səviyyədə təmin olunub</strong></p> <p>Qeyd etdiyimiz kimi, VI çağırış Milli Məclis fəaliyyətində şəffaflığa böyük önəm verir. Bu baxımdan, parlamentin ictimaiyyətlə əlaqələri də yüksək dəyərləndirilməlidir. Belə ki, Milli Məclisin internet saytı yeni tərtibatda istifadəyə verilib, saytda informasiyalara əlçatanlığın təmin olunmasına xüsusi diqqət yetirilib.</p> <p>Milli Məclisin kütləvi informasiya vasitələri ilə əlaqələri yenidən qurulub, jurnalistlərin parlamentin fəaliyyətini işıqlandırmaları üçün geniş imkanlar yaradılıb. Nümunə üçün deyə bilərik ki, jurnalistlər üçün yeni media otağı, brifinq otağı yaradılıb, media nümayəndələrinin plenar iclasların gedişini izləməsi və işıqlandırması üçün karantin qaydalarına riayət etməklə əlverişli şərait yaradılıb.</p> <p>Bundan başqa, vətəndaş müraciətlərinin cavablandırılması üçün müasir texnoloji imkanlardan da yararlanmaqla yeni və daha çevik mexanizmlər tətbiq olunur. Vətəndaşların həm deputatlar, həm də parlament Aparatının əməkdaşları tərəfindən qəbul olunması üçün müvafiq tədbirlər görülüb.</p> <p>Milli Məclis, həmçinin mühüm ictimai təşəbbüslərin dəstəklənməsi istiqamətində də müxtəlif tədbirlər həyata keçirib. Xüsusilə, Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın təşəbbüsü ilə başlanmış qanvermə aksiyasında Milli Məclisin deputatları və əməkdaşları fəal iştirak ediblər. Bundan əlavə, YAŞAT Fonduna Milli Məclisin rəhbərliyi, deputatları, Aparatın və İşlər İdarəsinin əməkdaşları tərəfindən könüllü ianələr köçürülüb.</p> <p><strong>Milli Məclis beynəlxalq müstəvidə də uğurlu fəaliyyət göstərir</strong></p> <p>Parlament diplomatiyası ölkəmizin xarici siyasət kursunda da önəmli yer tutur. Bu baxımdan, Milli Məclisin beynəlxalq fəaliyyəti xüsusi qeyd olunmalıdır. Xatırladaq ki, Azərbaycan Respublikası Milli Məclisinin beynəlxalq əlaqələrinin genişləndirilməsi üzrə 82 ölkənin parlamenti ilə dostluq qrupları, 12 beynəlxalq parlament təşkilatında nümayəndə heyətləri və 1 ikitərəfli komissiya fəaliyyət göstərir.</p> <p>Koronavirus pandemiyası ilə əlaqədar mövcud olan vəziyyət Milli Məclisin beynəlxalq əlaqələrinin intensivliyinə müəyyən mənada öz təsirini göstərsə də, bu dövrdə parlamentin beynəlxalq əlaqələrinin genişləndirilməsi də prioritetlərdən biri olaraq qalıb. Belə ki, Milli Məclisin Sədri Sahibə Qafarovanın başçılıq etdiyi nümayəndə heyətləri Türkiyəyə, Rusiyaya, İtaliyaya, Pakistana və Macarıstana rəsmi səfərlər edib, bu səfərlər çərçivəsində keçirilən görüşlər və aparılan danışıqlar zamanı Azərbaycanın bir sıra məsələlərlə bağlı mövqeyi, artıq tarixə qovuşmuş Dağlıq Qarabağ münaqişəsi haqqında həqiqətlər, Ermənistanın törətdiyi hərbi, siyasi təxribatlar faktlarla diqqətə çatdırılıb, parlamentlər arasında əməkdaşlığın genişləndirilməsi üçün müzakirələr aparılıb.</p> <p>Eyni zamanda, Azərbaycan parlamentinin nümayəndə heyətləri müvafiq beynəlxalq təşkilatların işində fəal iştirak ediblər. Deputatlarımız beynəlxalq təşkilatların sessiya və konfranslarında iştirak edərək ölkəmizin bir çox məsələlərlə bağlı ədalətli mövqeyini diqqətə çatdırıblar.</p> <p>Həmçinin parlamentin rəhbərliyi, komitələrin sədrləri, beynəlxalq parlament təşkilatlarında nümayəndə heyətlərimizin başçıları öz həmkarları ilə onlayn rejimdə bir sıra görüşlər keçirib və müzakirələr aparıblar. Bu formatda keçirilən və deputatların iştirak etdiyi digər tədbirlər də Azərbaycan Respublikası Milli Məclisinin beynəlxalq əlaqələrinin inkişafı baxımından böyük əhəmiyyətə malikdir.</p> <p><strong>Milli Məclisin fəaliyyətində baş verən keyfiyyət dəyişikliyi Ali Qanunverici orqana olan ictimai etimadı artırıb</strong></p> <p>Bütövlükdə, Milli Məclisin fəaliyyətində baş verən keyfiyyət dəyişikliyi Ali Qanunverici orqana olan ictimai etimadı artırıb. Xüsusilə də, deputatların seçicilərlə mütəmadi görüşlərinin keçirilməsi, millət vəkillərinin bu görüşlərlə əlaqədar parlament rəhbərliyinə hesabatlar təqdim etmələri, eləcə də qanunvericilik təşəbbüslərini artırmaları ölkəmizin ictimai münasibətlər sistemində pozitiv dəyişikliklər kimi cəmiyyət tərəfindən müsbət dəyərləndirilib. Eyni zamanda, seçiciləri maraqlandıran və narahat edən müxtəlif sosial məsələlərin parlamentin tribunasından səsləndirilməsi, müzakirəyə çıxarılması, həmin problemlərin həllinə xüsusi diqqət göstərilməsi vətəndaş məmnunluğunun artmasına əlavə təkan verib. Eyni zamanda, seçicilərin problemlərinin həlli istiqamətində hakimiyyətin qanunverici və icraedici qollarının koordinasiyalı fəaliyyəti cəmiyyətimiz tərəfindən yüksək qiymətləndirilib.</p> <p>Nəticə etibarilə, Azərbaycan Respublikası VI çağırış Milli Məclisi ölkəmizdə demokratiya və hüquqi dövlət təcrübəsinin yeni nümunəsi kimi xarakterizə edilə bilər. Öz işinin öhdəsindən layiqincə gələn respublikamızın VI çağırış parlamentinin fəaliyyəti, eyni zamanda, siyasi sistemin inkişafı, onun struktur komponentlərinin təkmilləşməsi baxımından olduqca əhəmiyyətlidir.</p> <p><strong>Hikmət BABAOĞLU</strong></p> <p>Əməkdar jurnalist</p>
<p>Sankt-Peterburqda bir dəniz paradına gedən İran gəmisi, cümə günü icazəsiz Estoniyanın ərazi sularına girib və Estoniya səlahiyyətlilərinin müvafiq əmrindən sonra yola çıxıb. SİA xəbər verir ki, bu barədə polis və sərhəd mühafizə şöbəsinin mətbuat xidməti şənbə günü məlumat yayıb.</p> <p>"Dünən axşam saat ondan sonra Sankt-Peterburqa gedən Sahand gəmisi Osmussaar adasının şimal-qərb tərəfindən Estoniya sularına girib. Dəniz Təhlükəsizliyi Mərkəzi Sahənd gəmisinə istiqamətini dəyişdirməyi və ərazi sularından çıxmağı əmr edib. Bundan sonra gəmi Estoniyanın iqtisadi zonasına geri qayıdıb", deyə departamentin mətbuat katibi Andra Yundas, Estoniyanın televiziya və radio yayımı ERR portalına bildirib.</p> <p>Onun sözlərinə görə, beynəlxalq dəniz hüququ normalarına görə, gəmilər başqa bir ölkənin ərazi sularından dinc yolla keçə bilər, lakin Estoniya dövlət sərhəd qanunlarına uyğun olaraq xarici hərbi gəmilər keçmədən öncə Xarici İşlər Nazirliyinə keçid barədə ən azı 48 saat əvvəl məlumat verməlidirlər. Sahand komandası isə bunu etməyib.</p>
<p>Son bir gündə Cənubi Afrikanın müxtəlif şəhərlərində rekord dərəcədə aşağı temperatur qeydə alınıb. SİA xəbər verir ki, bu barədə yerli meteoroloji xidmət məlumat yayıb.</p> <p>Xidmətin məlumatına görə, müxtəlif şəhərlərdə ümumilikdə 19 yeni temperatur rekordu qeydə alınıb. Yohannesburqda tempratur mənfi 7 dərəcəyə düşüb.</p> <p>Qeyd olunur ki, əvvəlki rekord mənfi 6.3 dərəcə olub və belə bir göstərici 19 iyul 1995-ci ildə də qeydə alınıb. Ən aşağı temperatur Kimberley şəhərində mənfi 9.9 dərəcəyə qədər düşdüyü müşahidə edilib. Ölkənin bir neçə yerində qar yağıb.</p> <p>Meteoroloqlar yaxın vaxtlarda istilərin normala dönəcəyini proqnozlaşdırırlar.</p>
<p>İlk dəfə 2019-cu ilin son günlərində Çinin Vuhan şəhərində meydana çıxan və oradan dünyaya yayılan koronavirusa (Covid-19) on milyonlarla insan yoluxub və 4 milyondan çox insan ölüb. Köhnə normalarımızı tərk etməyimizə səbəb olan virusla bağlı bütün dünyada aylardır bir çox elmi araşdırma aparılıb. Elm adamları bir müddətdir “Delta” variantına diqqət yetirirlər. SİA xarici mətbuata istinadən xəbər verir ki, “Delta” variantının orijinal virusdan daha sürətli yayıldığı elmi olaraq sübut edilib.</p> <p>Mütəxəssislər sürətlə yayılan “Delta” variantını deşifr etmək üçün çalışırlar. Bu tədqiqatlardan biri Çində aparılıb. 2021-ci ildə mütəxəssislər “Delta” variantına yoluxan 62 xəstənin məlumatlarını 2020-ci ildə koronavirus xəstəsi olmuş 63 nəfərin məlumatları ilə müqayisə edib. Mütəxəssislər nəticələrlə “Delta” variantının bu qədər sürətlə necə yayıldığını açıqlayıblar. Tədqiqatlar nəticəsində, virusun özünü daha sürətli təkrarladığı ortaya çıxıb. Həmçinin, “Delta” variantı olan xəstələrdə bədəndəki inkubasiya müddətinin daha qısa olduğu ortaya çıxıb. “Delta” variantındakı nüsxə sayının 1000 dəfə çox olduğu və 2019-cu ildə Vuhanda ortaya çıxan orijinal virusdan üç dəfə daha sürətli ötürüldüyü bildirilib.</p> <p>Mütəxəssislər bu məlumatların “Delta”nın sürətlə yayılmasının açarı olduğunu vurğulayıb. Virusun ən çox can aldığı ABŞ-da, yeni yoluxmaların yalnız 10%-i "Delta" variantları kimi iyun ayının ortalarında aşkar edilib, bu nisbət iyul ayının ortalarında 83,2%-ə yüksəlib.</p> <p><strong>Turqay Musayev</strong></p>
<p>Əfqanıstan rəhbərliyi 34 əyalətdən 31-də Taliban hərəkatını məhdudlaşdırmaq üçün gecə komendant saatı tətbiq edib. SİA xəbər verir ki, bu barədə “Tolo News” Daxili İşlər Nazirliyinin sözçüsünə istinadla məlumat yayıb.</p> <p>Nazirliyin sözçüsünə görə, Taliban hərəkatının "fəaliyyətini məhdudlaşdırmaq" üçün tətbiq olunan komendant saatı yerli vaxtla saat 22.00-dan 04.00-dək davam edəcək.</p> <p>Komendant saatının ölkənin yalnız üç əyalətinə - Kabil, Nanqarhar və Pəncşirə aid olmadığı qeyd olunur.</p> <p>Xatırladaq ki, Əfqanıstanda kənd yerlərində əhəmiyyətli əraziləri ələ keçirən və böyük şəhərlərə qarşı hücuma başlayan hökumət qüvvələri ilə Taliban yaraqlıları arasında qarşıdurma var. 12 sentyabr 2020-ci ildə Qətərin paytaxtında Əfqanıstan hökuməti ilə Taliban arasında sülh danışıqları başlayıb. ABŞ rəhbərliyi 1 may - 11 sentyabr tarixlərində Əfqanıstandan qoşunların çıxarılmasını müttəfiqlərlə əlaqələndirərək tamamlayacağına söz verir. 2020-ci ildə Vaşinqton və Taliban səlahiyyətliləri Dohada 18 ildən çox davam edən müharibədə ilk sülh müqaviləsini imzalayıblar. Xarici qoşunların Əfqanıstandan çıxarılması və məhbus mübadiləsindən sonra Əfqanıstanarası dialoqun başlanması nəzərdə tutulur.</p>
<p>Rusiya müdafiə naziri Sergey Şoyqu telefonla Tacikistan Müdafiə Naziri Şerali Mirzo ilə Tacikistan-Əfqanıstan sərhəd bölgəsi və Əfqanıstandakı vəziyyətlə əlaqəli təhdidlərin təsirsiz hala gətirilməsi tədbirlərini müzakirə edib.</p> <p>SİA xəbər verir ki, bu barədə Rusiya Federasiyası Müdafiə Nazirliyi məlumat yayıb.</p> <p>"Danışıqlar zamanı tərəflər Tacikistan-Əfqanıstan sərhəd bölgəsindəki vəziyyəti və Əfqanıstan İslam Respublikasında vəziyyətin kəskinləşməsi ilə əlaqəli təhdidlərin təsirsiz hala gətirilməsi üçün birgə tədbirləri müzakirə ediblər", deyə nazirliyin məlumatında bildirilir.</p>
<p>UEFA Çempionlar Liqası 2-ci təsnifat mərhələsinin ilk oyununda PSV-yə 5-1 məğlub olduqdan sonra "Qalatasaray" transferlərə olan diqqətini yüksəldib. SİA-nın xarici mətbuata istinadən verdiyi məlumata görə, Rumıniyanın 10 nömrəli oyunçusu Alexandru Cicaldau ilə danışıqlara başladığını bildirən sarı-qırmızılılar, Fransanın sağ cinah müdafiəçisi Saça Boeyi də heyyətlərinə qatmağı düşünürlər.</p> <p>"Qalatasaray", Fransa Liqa 1 komandası "Rennes"dən transfer olan 20 yaşlı futbolçu ilə danışıqlara başladığını rəsmən açıqlayıb.</p>
<p>Hindistanın mərkəzindəki Maharaştra əyalətində pis hava şəraiti qurbanlarının sayı ən azı 138-ə çatıb. SİA xəbər verir ki, bu barədə NDTV kanalı polisə istinadən məlumat yayıb.</p> <p>"Musson mövsümü ilə əlaqəli yağış və digər hadisələr səbəbindən 138 gözlənilməz ölüm baş verdi", deyə televiziya kanalı Maharaştra Təcili Yardım və Reabilitasiya Naziri Vijaya Vadettivaradan sitat gətirib.</p> <p>Eyni zamanda 84 mindən çox insanın əyalətin cənubundakı Pune əyalətində daha etibarlı bir yerə köçürüldüyü qeyd edilir.</p> <p>Xatırladaq ki, Hindistan Meteoroloji Bürosu, Maharaştra əyalətinin paytaxtı Mumbayda yağan güclü yağış üçün qırmızı xəbərdarlıq elan edib. Leysan yağışları səbəbindən şəhər sakinləri elektrik və su təchizatında fasilələrlə üzləşirlər.</p>
<p>Şənbə günü Ukrayna təhlükəsizlik qüvvələri, özünü elan edən Donetsk Xalq Respublikasının ərazisinə iki dəfə atəş edib. SİA xəbər verir ki, bu barədə departament nümayəndəsi məlumat verib.</p> <p>"Bu gün səhər saat 9.10-da Ukraynanın silahlı birləşmələrinin Leninskoye və Horlivka yaşayış məntəqələri istiqamətindəki mövqelərindən atəş açmaları qeydə alınıb", deyə departament nümayəndəsi bildirib.</p> <p>Xatırladaq ki, 27 iyulda Donbasda barışığın təmin edilməsi üçün əlavə tədbirlər qüvvəyə minib. Bu tədbirlər atəşlərin, yaşayış məntəqələrində və yaxınlığında silahların yerləşdirilməsinin, hücum və kəşfiyyat və təxribat hərəkətlərinin tamamilə qadağan olunmasını nəzərdə tutur. Bundan əlavə, atəşkəs pozuntularına görə intizam məsuliyyəti nəzərdə tutulur. Onu qorumaq üçün tədbirləri ehtiva edən atəşkəs əmrləri münaqişə tam həll olunana qədər qüvvədə olmalıdır.</p>
<p>Baş məşqçi Vitor Pereyranın müdafiəçi tələb etməsindən sonra işə başlayan "Fənərbaxça", Kaan Ayhanı gündəmə gətirib. SİA xarici mətbuata istinadən xəbər verir ki, müqaviləyə görə, Sassuoloda olan milli futbolçusu üçün İtaliya komandası ilə danışıqlara başladığı bildirilib.</p> <p>Kaan Ayhanın şərtlər razılaşdırıldığı təqdirdə heyətə qatılacağı iddia edilir. 26 yaşlı Kaan Ayhan, son mövsümə getdiyi İtalyan komandasında 20 oyunda oynasa da fərqlənə bilməyib.</p>
<p>Özbəkistanda COVID-19-la bağlı vəziyyət gündən-günə pisləşir. Son sutka ərzində 1280 xəstə qeydə alınıb. Bunun 773-ü COVID-19, 507-si pnevmaniya xəstəsidir. SİA Özbəkistan Səhiyyə Nazirliyinə istinadla xəbər verir ki, son 24 saat ərzində ölkədə 7 nəfər koronavirusun qurbanı olub.</p> <p>Ümumilikdə ötən ilin martından Özbəkistanda koronavirusa yoluxanların sayı 124 minə çatıb.</p>
<p>Minlərlə insan Covid məhdudiyyətlərinə və polislə toqquşmalara etiraz edərək Avstraliyanın Sidney küçələrinə çıxıb. SİA xəbər verir ki, bu barədə yerli ABC telekanalı məlumat yayıb.</p> <p>Yeni Cənubi Uelsin Polis katibi David Elliottun dediyinə görə, 3500 "eqoist balbes" küçələrə çıxıb və hesab edirlər ki, qanun onlara şamil edilməməlidir.</p> <p>Etirazlarla əlaqədar 57 nəfərin ittiham olunduğu bildirilir. Kanal xəbər verir ki, polis etirazçıların şəxsiyyətini müəyyənləşdirəcək 22 müstəntiqdən ibarət xüsusi bir qrup yaradıb.</p> <p>Kanal qeyd edir ki, "delta" ştammının yayılması fonunda tətbiq olunan qapanma 4 həftədir Sidneydə davam edir. Melburn və Brisbendə də kiçik nümayişlər təşkil edilib.</p>
<p>Britaniya Krallığındakı vəzifələrini tərk edən şahzadə Harri, ailəsi ilə ipləri qırılma nöqtəsinə gətirən Oprah Vinfrey ilə reportajdan sonra indi də kitab anlaşması ilə gündəmə gəlib. SİA xarici mətbuata istinadən xəbər verir ki, şahzadə Philipin yas mərasimində İngiltərəyə qayıdan zaman onun atası şahzadə Çarlz və böyük qardaşı şahzadə Villiamla aralarındakı incikliklərdən əl çəkdiyi idda edilib. Ancaq Harrini ABŞ-a aparan səbəblər haqqında kitab nəşr edəcəyi xəbəri bu iddiaları təkzib edib.</p> <p>Mətbuat katibinin sözlərinə görə, Harrinin İngiltərədəki nəşriyyat evlərindən biri olan Penquin Random House ilə gizli kitab müqaviləsi imzaladığı ortaya çıxıb. Həmçinin şahzadə Harrinin bir deyil, birdən çox kitab çap edəcəyi irəli sürülüb. Cəmi dörd kitabın çıxması gözlənilsə də, onlardan birinin Meqhan Markle tərəfindən yazılmış səhiyyəyə aid kitab olacağı bildirilir.<br/> <br/> Harrinin ilk kitabının gələn il çıxması gözlənilsə də, krallıq sirlərini açacağı ikinci kitab üçün fərqli bir şərt var. Buna görə, şahzadə Harrinin Kral ailəsi, İngiltərə Kraliçası haqqında olacaq ikinci kitabının nəşri üçün, Elizabetin ölümü gözlənilir. Kraliça öldükdən sonra kitab oxucu ilə görüşəcəkdir. Sözügedən kitab üçün belə bir məqalə tapmaq, içərisinə daxil ediləcək məlumatlarla bağlı fikir yürütmə işini asanlaşdırır.<br/> <br/> Şahzadə Harrinin kitabın gəlirini xeyriyyə fondlarına bağışlayacağı bildirilir.</p> <p><strong>Turqay Musayev</strong></p>
<p>Silahlı qarşıdurma şənbə günü səhər Tacikistanın Soqd vilayətinin İsfara şəhəri ərazisindəki Qırğızıstanla sərhəd zonasında baş verib. SİA xəbər verir ki, bu barədə şəhər rəhbərliyinin mətbuat xidməti məlumat yayıb.</p> <p>Məlumatda qeyd oluur ki, Qırğızıstan sərhədçiləri əvvəlcə atəş açıblar.</p> <p>"Silahlı qarşıdurma Çorkux camaatı sakinlərinin Kummazor şəhərində könüllü təmizlik keçirmək istədikdən sonra baş verdi. Sakinlər təmizlik etmək üçün gedəndə Qırğızıstan sərhədçiləri buna imkan verməyiblər. Onlar vətəndaşları təhrik ediblər və qarşı tərəf vətəndaşlarımıza daş atmağa başlayıblar, sərhədçiləri isə vətəndaşlarımıza atəş ediblər", deyə agentliyin mənbəyi bildirib.</p> <p>Tacikistan sərhədçilərinin atəş açmağa məcbur olduqlarını, hər iki tərəfdən atışmanın 10 dəqiqə davam etdiyi qeyd olunur. Qeyd olunur ki, hazırd a İsfara bələdiyyə başçısının başçılıq etdiyi nümayəndə heyəti münaqişə yerindədir.</p>
<p>Qırğızıstanın keçmiş prezidenti Almazbek Atambaevə cinayət törətməkdə şübhəli olduğu barədə bir daha xəbərdarlıq edilib və bu o, dəfə 9 oktyabr iğtişaşlarını təşkil etməkdə günahlandırılır. SİA xəbər verir ki, bu barədə ölkənin keçmiş liderinin vəkili Zamir Jooşev öz sosial şəbəkə hesabında yazıb.</p> <p>"Almazbek Şarşenoviç Ala-Too meydanında 9 oktyabr 2020-ci il tarixində iğtişaşlar təşkil etməkdə günahlandırılır", deyə vəkil Facebook səhifəsində qeyd edib.</p> <p>Jooşev şübhə bildirişindən bir hissə nümunə gətirir. Sənədə görə, "cinayətkar planını həyata keçirmək üçün, Almazbek Atambayev, ölkənin keçmiş baş naziri Omurbek Babanov, prezident administrasiyasının keçmiş rəhbəri Fərid Niyazov ilə əvvəlcədən sui-qəsd qurub, siyasi fəal Temirlan Sultanbəyov, Atambayevin keçmiş <a target="_blank" href="https://busy.az/professions/muhafizeci">mühafizəçisi</a> Kanat Saqımbaev və digər şəxslər Media Forum binasının yaxınlığında bir çox insan toplayaraq daha sonra hakimiyyəti ələ keçirmək üçün Ala-Too meydanına getməyə razı olublar".</p> <p>"O zaman Qırğızıstan Respublikasının hökumət binası yaxınlığında toplaşan bir qrup insan hərəkətlərini ictimai-siyasi vəziyyəti sabitləşdirmək, talan və ictimai asayiş pozuntularının qarşısını almaq üçün istiqamətləndirılib, qanuni sahəyə gəlməyə və digər kütləvi iğtişaşların qarşısını almağa çağırılıb. Almazbek Atambayev mənfi və aqressiv əhval-ruhiyyəni alovlandırıb ki, bu da Qırğızıstan Respublikası hökumət binasının yaxınlığında toplanan bir qrup insanla Ala-Too meydanında kütləvi davalara səbəb olub, nəticədə odlu silah, daş, qırıntıları istifadə edilərək iğtişaşlara səbəb olub", deyə vəkil Jooşev bildirişdən sitat gətirir.</p> <p>Xatırladaq ki, Qırğızıstandakı Sosial Demokratların ən böyük parlament partiyasının lideri Atambaev 2011-2017-ci illərdə prezident vəzifəsində çalışıb. O, vəzifəsindən getdikdən dərhal sonra eks-prezident komandasının üzvlərinə qarşı cinayət işləri açılıb. Atambayev keçmiş prezident statusundan məhrum edilib, ağır və xüsusilə ağır cinayətlərdə ittiham olunub. Keçmiş dövlət başçısı dəfələrlə özünə və ortaqlarına qarşı ittihamların siyasi mahiyyət daşıdığını bildirib.<br/> Atambayev Bişkekdəki iğtişaşlar fonunda 6 oktyabrda həbsdən azad edilib. 9 oktyabr 2020-ci il tarixində Bişkekin mərkəzi meydanında Atambayevlə Sadır Japarovun tərəfdarları, o zaman müxalif siyasətçi, indiki ölkə prezidenti arasında toqquşmalar baş verib. Hətta, bir neçə nəfər yaralanıb. Dekabrın 10-da keçmiş prezident yenidən tutularaq Milli Təhlükəsizlik Dövlət Komitəsinin istintaq təcridxanasına yerləşdirilib.</p>
